卿 (Hing)

護⽼院⽼友記 CARE HOME RESIDENT

伸⼿助⼈協會滙豐銀⾏基⾦樂富護⽼院

「我今年 107歲，係伸⼿助⼈協會樂富護⽼院最⽼嘅院友。我喺40年代嗰陣由東莞嚟 ⾹港，嗰時啱啱打完仗。我屋企係耕⽥嘅，打仗嗰陣，⽇⼦好艱難。嗰陣時冇飽飯 食。我唔識字，因為我冇機會真係去讀書返學。我先⽣係媒⼈介紹嘅，嗰陣時我哋係 咁樣識⼈。佢喺⾹港搵到份⼯，所以我就跟咗佢過嚟。我鍾意喺⾹港住多啲啊。我先 ⽣30幾年前過咗身，但係仲有啲囡、孫同埋曾孫陪住我！佢哋每個禮拜都嚟探我。

 

我哋 ⼀開始搬嚟⾹港嗰陣，我先⽣搵咗隻艇仔返嚟。咁我就會整啲艇仔粥同埋糖⽔， 等佢攞上艇度賣俾啲漁民。嗰時仲要忙住湊兩個囡。好多年之後，我開始喺⼀間麵舖 度做嘢，幫⼿包裝啲麵餅攞去賣。我⼤囡12歲嗰陣就要出嚟做嘢，⼀開始係整錶帶， 之後就喺製衣廠度做。不過我個囡今年都78歲囉！

 

我好鍾意同⼈傾偈，我唔記仇㗎。我嘅⼈⽣都算好平穩，冇咩⼤起⼤跌。我諗我有時都會有啲唔耐煩，我鍾意啲嘢快快⼿做完，唔係咁鍾意等⼈！有好幾⼗年，我每⽇清 晨五點去晨運。變咗⽣活習慣，令到我身體健康啲。我鍾意呢間護⽼院，我都住得幾舒服。我住咗喺伸⼿助⼈協會嘅院舍超過33年啦。佢哋照顧得我哋好好，我鍾意參加 佢哋安排嘅活動同埋同啲⽼友記玩遊戲。幾年前我100歲⼤壽嗰陣，我贏咗護⽼院硬地滾球比賽嘅冠軍！」

Storytelling by Hong Kong Shifts