「我喺 1988年加入伸⼿助⼈協會成為登記護⼠。我負責檢查院友嘅健康狀況，處理佢 哋健康⽅⾯嘅問題，將情況話俾院舍嘅外展醫⽣聽。呢度嘅護⼠亦會負責派藥、打針 同確保院友健康嘅飲食同埋睡眠。疫情期間對我哋嚟講係特別困難嘅時期。嗰時好多 ⼈都受感染，我哋嘅院友屬於⾼風險群組，所以我哋需要加倍⼩⼼。由於我哋嘅⼯作 需要接觸好多⼈，我哋嘅員⼯⼀個接⼀個咁中招，未中招嘅同事就要額外加班，有時 要連續多個通宵留喺院舍照顧院友。嗰時對前線護理員嚟講係好困難嘅時期，好慶幸 嗰啲⽇⼦已經過去！

作為 ⼀個比較資深嘅護⼠，我咁多年嚟有機會去伸⼿助⼈協會唔同嘅院舍訓練新護 ⼠。呢啲經驗教曉咗我好多嘢。我覺得離開⾃⼰嘅舒適圈，去學習新事物，同唔同嘅 ⼈合作做嘢，係好重要，唯有係咁我哋先會成長同埋挑戰到⾃⼰！除咗醫護⽅⾯，我 哋都要同社⼯合作，因為有時院友情緒上或者⼼靈上需要嘅嘢，對佢哋嘅健康同⼈身 安全又未必係最好。所以⼀路要好微妙咁攞個平衡！

做咗 咁多年護⼠，我學識咗「忘記」嘅學問。我哋同院友有好好嘅情誼，但當佢哋過 世，我哋唔可以⼀直傷感落去，因為仲有其他院友需要我哋嘅照顧，我哋要做好本 份。我哋會安排唔同遊戲同埋活動俾院友，有⼀次我哋舉辦咗⼀個懷舊活動，等院友 們可以著傳統長衫，透過嗰個活動勾起佢哋嘅回憶，等佢哋分享吓想當年嘅故事。婆 婆們有得化妝整頭扮吓靚，就特別⾼興！喺伸⼿助⼈協會呢35年裏⾯，我最難忘嘅經 歷就係1989年戴安娜王妃嚟探訪我哋嘅護⽼院，嗰時我有機會去同佢⾒⾯打招呼，佢 好親民好靚！我永遠都會記得呢個咁特別嘅回憶。」

Storytelling by Hong Kong Shifts