「我⼀開始認識伸⼿助⼈協會呢個機構，係因為我⼤家姐係入⾯嘅職員。佢⿎勵我試吓應徵，就係咁我喺1995年加入成為個⼈護理員。經過咗咁多年，我仲喺呢度！我哋有三更：早更、晏晝更同埋夜更。我嘅⼯作包括照顧我哋嘅院友，幫佢哋沖涼啦，餵佢哋食飯，協助佢哋去廁所，幫⼿開飯同埋安排佢哋去瞓覺。我哋都會搞好多活動， 帶佢哋出去飲茶或者郊遊。我每⼀⽇返⼯都好有動⼒㗎。⾒到院友，同佢哋傾偈係開 ⼼嘅，佢哋⾒到我亦都好開⼼！我哋⼀隊⼈合作得好好，好慶幸有咁好嘅同事。喺度做嘢嘅每⼀⽇，時間都過得好快。

⽼⼈家有好多故事。佢哋有時可能會有少少脾氣，但係都可以好快回復好⼼情。好多⼈會覺得呢個⾏業係「厭惡性⾏業」，但係我唔係咁睇。現實同⼤家嘅想像係好唔同 嘅，所以我會邀請⼈嚟親身體驗吓。我成⽇都同我啲囡講，我做呢份⼯係好開⼼，⼀ 啲都唔覺得厭惡。喺呢度建⽴到嘅關係係好特別嘅。好多年前，有⼀個院友同我講，「今⽇係我嘅⽣⽇，但係冇⼈會同我慶祝。」所以我決定俾個驚喜佢。我出去買咗隻 燒鵝髀俾佢賀壽。當佢打開個飯盒，佢感動到流眼淚。⼀個咁微細嘅舉動已經令佢好 感動好開⼼。我哋每⼀個⼈都會變⽼。如果⼈⼈都唔願意做呢個⾏業，邊個會照顧我 哋嘅⽼⼈家呢︖我覺得呢個⼯作係好值得做嘅。  

我有兩個囡，佢哋兩個⽽家都喺英國⽣活。佢哋成⽇都問我：「媽，你幾時過嚟同我 哋團聚︖」諗咗好耐，我同佢哋講我決定要留喺⾹港。我好掛住我啲囡，但係我好鍾 意喺度照顧我呢班⽼友記。我嘅⼯作俾到我好⼤滿⾜感，我唔想去第⼆度，呢個係我 ⼈⽣嘅使命！我好⿎勵年青⼈試吓呢個⾏業，就好似當年嘅我咁樣。呢個係好有意義 同埋有滿⾜感嘅⼯作。要做⼀個好嘅護理員，你需要有愛⼼、細⼼同埋有耐性。⽼⼈ 家其實係經歷咗好多嘅普通⼈，我哋應該尊重同埋⽤⼼照顧佢哋。我好鍾意我份⼯， 不過都係要花好多體⼒嘅，所以喺放假嘅時候，我鍾意放鬆吓、聽⾳樂同埋打麻雀！」 

說故事的人 Hong Kong Shifts