「我以前係⼀個⼩學英⽂⽼師，做咗超過38年。咁多年嚟我喺唔同嘅漁民⼦弟學校教 過，近住鴨脷洲、西貢、沙頭角嘅避風塘……我⼯作中最享受嘅部份就係⾒到啲學⽣ ⼀年⼀年咁成長，入到好嘅中學，係好有滿⾜感嘅。我有啲學⽣甚至做咗電視明星！ 我鍾意⽂字。好多年前，我嘅詩喺美國得過獎。我⼀開頭係喺⼤澳⼀間學校教英⽂， 喺嗰度我認識咗我太太。佢幾⼗年前因為⼤腸癌過咗身。我哋嗰時有三個⼩朋友，我 仲⼀邊做嘢⼀邊兼職讀緊教師⽂憑。嗰時係⼀個好艱難嘅時期。好彩有我⽗母喺身邊 幫⼿照顧⼩朋友。我嘅仔女⽽家都⼤晒啦，過時過節我哋就會聚埋⼀齊⾒⾯。 

退咗休之後，我搬咗嚟伸⼿助⼈協會嘅⽼⼈之家。⼀開頭我會幫⼿做啲兼職⼯作，好 似係幫⼿送餐俾我哋嘅院友同埋附近有需要嘅⼈。之後我就開始做義⼯，⼀個禮拜會 去兩次伸⼿助⼈協會畢尚華神⽗護⽼頤養院，陪比較弱嘅⽼⼈家去覆診。我之後仲被 院友選為委員會嘅主席，作為院友同埋管理層之間嘅溝通橋樑。我喺124個院友當中得到107票，我諗佢哋鍾意我以前係做⽼師啦！⽼⼈家有時可以好百厭，固執，硬頸同埋唔講道理，好似細路仔咁！但係喺我做⽼師同埋訓導主任嘅⽇⼦裏⾯我學到其實我哋 需要嘅好多時只係⼩⼩嘅耐性，關⼼，同埋理解佢哋！ 

喺伸⼿助⼈協會護⽼院呢度有好⼤嘅⾃由度。⼤概三至四個院友會喺⼀個單位裏⾯ 住，⼀齊食晏。我哋呢度⼤家相處都好融洽。每⼀⽇，我起碼會⾏至少6000步當做運動。我好感恩可以喺呢度安頓落嚟，亦都好開⼼可以貢獻我嘅技能去利⼰利⼈。我嘅⽇常時間表都幾忙㗎，但係我都好鍾意有嘢做。鍾意唱歌，跳舞，去旅⾏同埋玩數字麻雀，我都幾擅長㗎。如果我有⼀句說話同啲年青⼈講，就係叫佢哋建⽴⼀個好嘅⼯作態度，為⼈着想同埋對⼈善良。」

Storytelling by Hong Kong Shifts